Бу ҳақда АҚШнинг БМТдаги элчиси Линда Томас-Гринфилд маълум қилди.
АҚШ махсус вакили Хавфсизлик Кенгаши аъзоларини Фаластиннинг ҲАМАС жангари гуруҳига Исроил билан келишилган вақтинчалик таклифни қабул қилиш учун босим ўтказишга чақирди.
Унинг таъкидлашича, ўтган ҳафта АҚШ, Қатар ва Миср томонидан илгари сурилган таклиф май ойида АҚШнинг амалдаги Президенти Жо Байден томонидан илгари сурилган ва июнь ойида БМТ Хавфсизлик Кенгаши томонидан маъқулланган режага мос келади.
“Исроил таклифни қабул қилди. Энди ҲАМАС ҳам шундай қилиши керак. Бу кенгаш аъзолари сифатида биз бир овоздан гапиришимиз керак ва биз ўз таъсир кучимиздан фойдаланиб, ҲАМАСни таклифни қабул қилишга мажбурлашимиз керак”, деди Томас-Гринфилд.
Агентлик манбаларининг таъкидлашича, келишувга Ғазода Исроил ҳарбийларининг мавжудлиги, шунингдек, фаластинлик маҳбусларни озод қилиш борасидаги келишмовчиликлар тўсқинлик қиляпти. Исроил бу талабни ҲАМАС май ойида Байден таклифини қабул қилганидан кейин билдирди, деб хабар беради korrespondent.net.
