Бокс бўйича иккинчи ўрта вазн (76,2 кг) тоифасида WBC Silver камари соҳиби юртдошимиз Азизбек Абдуғофуровнинг навбатдаги жанги санаси маълум бўлди.
У 20 март куни Москвада ташкил этиладиган жанг оқшомида рингга кўтарилади. Азизбекка россиялик Павел Силягин рақиблик қилади. П. Силягин олти марта рингга чиқиб, барчасида ғалаба қозонган. Тўртта учрашувни муддатидан олдин тугатган. Мазкур жангда боксчимиз ўзига тегишли бўлган WBC Silver камарини ҳимоя қилади.
Эслатиб ўтамиз, Азизбек Абдуғофуров профессионал боксда 13 маротаба жанг ўтказиб, барчасида устунликка эришган. Бешта рақибини нокаутга учратган.
