Бугунги кун Тахмина Икромованинг бенефисига айланди, дейиш мумкин. Спортчимиз ҳалқа, тўп ва булава машқларида тенгсиз, деб топилди. Шунингдек, яна бир таниқли вакиламиз Сабина Ташкенбаеванинг тўп билан амалга оширган дастури кумуш медалга лойиқ кўрилди.
Гуруҳ машқида 3 тасма ва 2 тўп билан ўз дастурини ижро қилган қизларимиз ҳам қитъамиз вакилалари орасида энг юқори кўрсаткични қайд этди. Жамоамиз ҳисобига яна 2 та олтин медални ёшлар тоифасида Эвелина Аталянснинг булава, Вилана Савадяннинг эса тасма билан чиқиши келтирди. Гуруҳ машқида 5 тўп билан ўз чиқишларини намойиш этган қизларимиз эса шоҳсупанинг иккинчи поғонасига кўтарилди.
Шу тариқа, терма жамоамизнинг мазкур қитъа биринчилигида жамғарган медаллари 10 та олтин, 5 та кумуш ва 2 та бронзани ташкил этмоқда.
