Ёзнинг жазирамасида баданни совутишнинг турли йўлларини қидириб қоламиз. Бу борада эркакларга бироз осонроқдек. Чунки улар катта ариқлар, каналларда чўмилиб, таналарини совутиб олишлари мумкин. Аксарият аёллар чўмилгиси келса-да, очиқ-сочиқ чўмлишиш кийимларини ўзига эп кўрмайди. Энди бу каби иболи аёлларимиз ҳам бемалол хижолат тортмай чўмилишлари мумкин. Қандай қилиб дейсизми? “Adidas” бренди бутун танани ва сочларни яширадиган сузиш кийимларининг биринчи коллекциясини ишлаб чиқарди. Бренд вакилларининг сўзларига кўра, сузиш кийими коллекцияси бутун танани беркитади.
Чўмилиш костюмлари бир зумда қурийдиган ва хлорга чидамли матодан тайёрланган. Бундан ташқари, материал экологик жиҳатдан қулай бўлиб, у бир неча бор қайта ишланган сифатли толалардан иборат.
Махсус кийим (буркини)да барча жиҳат ўйланган. Масалан, сузиш пайтида енглар кўтарилмаслиги учун уларнинг бош бармоғида тешиклар мавжуд ва костюмнинг устки қисми қисқичлар орқали маҳкамланган. Сузиш пайтида бош кийимининг силжиб кетмаслиги ҳам ўйланиб, тегишли чоралар кўрилган.
Мусулмонлар сузиш кийимларини adidas.cом сайтидан фойдаланган ҳолда буюртма бериб, турли ранг ва ўлчамларда олишлари мумкин.
