Москва вақти билан соат 17:30 да Нью-Мексикадаги космодромдан миллиардер Ричард Брэнсон ўзининг «ВСС Unity» ракетасида суборбитал парвозга чиқиши керак. «ВСС Unity» космоснинг тан олинган чегарасидан (100 километр) бироз пастроқ бўлган 80–90 километр баландликка кўтарилади. Экипаж таркибида олти киши бор: иккита учувчи ва тўрт нафар йўловчи, шу жумладан, Брэнсоннинг ўзи. Парвоз ҳали бошланмаган, аммо деярли 550 мингдан зиёд киши онлайн трансляцияни томоша қилмоқда.
Маълумот ўрнида, дунёнинг энг бой одами, «Amazon» компанияси асосчиси Жефф Безос ўзининг «Blue Origin's New Shepard» қурилмасида 20 июль куни космосга учишини маълум қилган. Онлайн кимошди савдоси ғолиби эса 12 июнь куни реал вақтда онлайн савдо пайтида эълон қилиниши хабар берилган.
