Бугун мусобақада ярим финал жанглари ўтказилади. Унда 6 нафар боксчимиз рингга кўтарилади. Жумладан, -51 килограмм вазн тоифасида Зиёвуддин Алижонов қозоғистонлик рақиби Дамир Абдикадир билан, -54 килограмм вазнда Ойбек Жўраев украиналик Павло Коваленко билан, -57 килограмм вазнда Самандар Холмуродов қозоғистонлик Серик Темиржанов билан, -80 килограмм вазнда Тўрабек Хабибуллаев шотландиялик Хики Самуэль билан, ушбу вазндаги яна бир боксчимиз Раҳматилло Бойматов эса Украина вакили Олександр Хижняк билан ҳамда -63,5 килограмм вазнда Айдос Тагайбаев австралиялик рақиби Фред Ззива билан куч синашади. Жанглар Тошкент вақти билан 17:25 дан бошлаб, охиргиси 19:00 да бошланиши режа қилинган.
Эслатиб ўтамиз, кеча ушбу турнирда 8 нафар боксчимиз рингга кўтарилган эди. Эътиборли жиҳати, спортчиларимизнинг 6 нафари ғалабага эришди. 2 нафари эса афсуски, имкониятни бой бериб қўйди.
Натижалар билан танишинг:
-51 кг: Зиёвуддин Алижонов - Кристофер Гоман (Германия) - ғалаба,
-71 кг: Камрон Турғунбоев - Дениел Кроттер (Германия) - мағлубият,
-57 кг: Самандар Холмуродов - Роланд Верес (Венгрия) - ғалаба,
-63,5 кг: Айдос Тагайбаев - Манурбек Сеитбек Уулу (Қирғизистон) - ғалаба,
-48 кг: Дониёр Бекмуродов - Темиртас Жусупов (Қозоғистон) - мағлубият,
-54 кг: Ойбек Жўраев - Мирази Ҳафиз (Швеция) - ғалаба,
-80 кг: Тўрабек Хабибуллаев - Кевин-Боакен Шуманн (Германия) - ғалаба,
-80 кг: Раҳматилло Бойматов - Силвио Шиерле (Германия) - ғалаба.
