Мазкур лойиҳа доирасида бугун, 25 июль куни «Envision» компаниясининг (Хитой) биринчи 6,5 МВт қувватли турбинаси ўрнатилди. Турбина минорасининг баландлиги 100 метр, шамол парракларининг ҳар бири эса 84 метрни ташкил қилади.
Маълумот учун, ушбу йирик лойиҳа доирасида жами 158 та мана шундай шамол турбиналари ўрнатилади.
Мазкур электр станцияларининг илк қувватлари 2024 йилда ишга туширилади.
Станциялар тўлиқ ишга туширилгач, йилига 3 млрд 600 млн кВт·соат электр энергияси ишлаб чиқарилади. Бунинг натижасида йилига 1 млрд 100 млн куб метр табиий газ тежалишига эришилади ҳамда атмосферага 1 млн 500 минг тонна зарарли газлар чиқишининг олди олинади.
Лойиҳа доирасида узунлиги 260 км бўлган 500 кВ кучланишли электр узатиш тармоқлари ва 2 та 500 кВ кучланишли очиқ тақсимлаш қурилмалари қурилади.
Мазкур электр узатиш тармоқлари энергетика тизимининг шимоли-ғарбий (Қорақалпоғистон Республикаси ва Хоразм вилояти) ҳамда жануби-ғарбий (Бухоро ва Навоий вилоятлари) қисмларининг боғланишини мустаҳкамлайди.
Эслатиб ўтамиз, Навоий вилоятининг Томди туманида 500 МВт қувватли шамол электр станциясини қурилмоқда ва мазкур лойиҳа доирасида «Goldwind» компаниясининг (Хитой) биринчи 4,7 МВтли турбинаси июнь ойида ўрнатилган эди.
Ҳозирда 3 та турбина ўрнатиб бўлинди. Турбина минораларининг баландлиги 97 метр, шамол парракларининг ҳар бири эса 77 метрни ташкил қилади.
