Олий Мажлиснинг Инсон ҳуқуқлари бўйича вакили (Омбудсман) маълум қилишича, мазкур ҳолат назоратга олиниб, Бухоро вилоятидаги минтақавий вакил томонидан жойига чиққан ҳолда ўрганиш ишлари амалга оширилган.
Ўрганиш жараёнида мурожаатда қайд этилган шахс билан холи тарзда суҳбат ўтказилиб, унинг сақланиш шароитлари, мурожаатда келтирилган важлар ҳамда танасида тан жароҳатлари аломатлари мавжуд ёки мавжуд эмаслиги текширилган.
Маълум қилинишича, ҳолат юзасидан 4-сонли тергов ҳибсхонасининг айрим ходимларига нисбатан терговга қадар текширув ҳаракатлари бошланган. Шунингдек, мурожаатда тилга олинган шахсга нисбатан суд-тиббий экспертиза тайинланган.
Ўрганиш давомида тўпланган ҳужжатлар Жиноят-процессуал кодекси талаблари асосида процессуал тартибда кўриб чиқиш учун Бухоро вилояти прокуратурасига тақдим этилган.
Омбудсман мазкур ҳолат юзасидан ўтказилаётган текширувлар ва қабул қилинадиган қарорларни ўз ваколати доирасида назорат қилиб боришини маълум қилди.
