"Юртимиз миқёсида давом этаётган аномал совуқ об-ҳаво туфайли йўловчи поездлар ҳаракат хавфсизлигини таъминлаш ва йўловчиларни ўз манзилларига етказиш давомида ноқулайликлар келиб чиқишининг олдини олиш мақсадида, 766/765-сонли "Тошкент – Бухоро – Тошкент" йўналишидаги “Афросиёб” юқори тезликда ҳаракатланувчи электропоездлари қатновлари 2023 йилнинг 16,17,18,19,20 январь кунлари 5 та рейси бекор қилинади.
Харид қилинган чипталарни темир йўл чиптахоналарида, электрон тарзда харид қилинган чипталарни chipta.railway.uz сайтида қайтаришингиз мумкин. Чипта 100% қийматда қайтарилади.
"Ўзтемирйўлйўловчи" АЖ раҳбарияти йўловчилардан мазкур вазиятни тўғри баҳолаб, тушунишларини ва келтирилган ноқулайликлар учун узр сўрайди", — "Ўзтемирйўлйўловчи" АЖ матбуот хизмати.
