Мазкур тадбирда, Ўзбекистон Республикаси кинофонди директори Элжон Аббосов ҳам иштирок этди.
Буюк Британия вакилларига Ўзбекистон кино саноатини тиклаш ва ислоҳ қилиш, кино санъатини янги босқичга олиб чиқиш борасидаги ҳаракатлар тўғрисида, жумладан, ўзбек фильмларини хориждан қайтариш ва Ўзбекистоннинг "олтин кинофонди"га киритиш учун қайта тиклаш, шунингдек, илгари Осиё, Африка ва Лотин Америкаси мамлакатларининг Тошкент халқаро кинофестивали (1968 - 1988 йиллар) номи билан машҳур бўлган "Ипак йўли дурдонаси" кинофестивалининг фаолиятини қайта тиклаш ҳақида маълумот берилди.
Жастин Уодделл «Kino Klassika Foundation» фаолияти ва Британиянинг «British Film Institute» институти кўмагида амалга оширилаётган МДҲ киносаноати дурдоналарини оммалаштиришга ва Буюк Британия кинотеатрларида намойиш этишга қаратилган халқаро лойиҳалар ҳақида сўзлаб берди.
Томонлар ҳамкорликни йўлга қўйишдан ўзаро манфаатдор эканликларини билдириб ўтишди ва киноленталарни реставрация қилиш ва Лондонда ўзбек киноси кунлари каби бир қатор лойиҳаларни биргаликда амалга оширишга келишиб олишди. Шунингдек, жамғарма раҳбари 2021 йил сентябрь ойида бўлиб ўтиши режалаштирилган "Ипак йўли дурдонаси" Тошкент халқаро кинофестивалида иштирок этиш учун таклиф этилди.
2015 йилда Лондонда ташкил этилган «Kino Klassika Foundation» жамғармаси МДҲ мамлакатлари киноматериалларини намойиш этиш бўйича Британиянинг 20 дан ортиқ кинотеатрлари билан ҳамкорлик қилади ва эски киноленталарни тиклаш дастурларини амалга оширади. Жамғарма 2020 йилдан бошлаб Ўзбекистон вакиллари билан биргаликда Марказий Осиёда камдан кам намойиш этиладиган фильмларни оммалаштиришга қаратилган «Tashkent Film Encounters» лойиҳасини ишга туширган.
Кинематография агентлиги ахборот хизмати
