Кечаги хабаримизда футбол мутахассислари ва ишқибозлари бу баҳсларда “Челси” ҳамда “Ювентус”нинг қўли баланд келишини башорат қилганини айтиб ўтган эдик. Маълум маънода бу башорат ўзини оқлади.
Испаниянинг “Вильярреал” жамоаси ўз майдонида “Ювентус”га қаттиқ каршилик кўрсатган бўлсада, ўйин 1:1 ҳисобида тугади. Матчнинг биринчи дақиқасида меҳмонлар ўйинчиси Влаҳович ҳисобни очган бўлса, 66 дақиқага келиб, Парехо тенгликни таъминлади.
Англиянинг “Челси”си эса Франциянинг “Лилль” жамоаси билан бўлган ўйинда рақибидан кучлироқ эканлигини кўрсатди ва меҳмонлар дарвозасига иккита жавобсиз тўп киритди. Голларга Ҳавертц (8), Пулишич (63) муаллифлик қилди.
Бугун ЕЧЛнинг навбатдаги икки ўйини бўлиб ўтади. Унда “Атлетико” – “Манчестер Юнайтет”, “Бенфика” – “Аякс” баҳс олиб боради.
