Маълум бўлишича, «чинни» атамаси XIX – XX асрларда Ўрта Осиё кулолчилик буюмларига нисбатан қўлланилган. Бу буюмларни тайёрлашда Хитой (Чин) маҳсулотларига тақлид қилинган бўлиб, қалай-қўрғошин билан қопланган. Сўнг кўк рангга бўялиб, икки марта пиширилган.
Афсонавий чинни буюмлар асосан Риштонда ишлаб чиқарилган. Кўм-кўк рангдаги ўсимликсимон нақшлар ҳам Хитой чинниси гулларига тақлидан безатилган.
Дарвоқе, 1918 йилда Риштонда пайдо бўлган биринчи кулоллар корхонаси "чиннигарон" деб аталган.
Ўзбекистонда кулолчиликнинг ривожланиши ва нега ложувард рангдан кенг фойдаланилгани ҳақида “Ўзбекистон маданий мероси жаҳон тўпламларида" туркумининг “Шарқ давлат музейи тўплами” китобида билиб олишингиз мумкин.
