"Вектор" вирусология ва биотехнология маркази томонидан яратилган коронавирус вакцинасини синаб кўрган барча кўнгиллилар ўзларини яхши ҳис қилмоқда, эмлашдан кейин ҳеч қандай асоратлар аниқланмади, деб хабар беради ТАСС Роспотребнадзор матбуот хизматига таяниб.
“ЭпиВакКорона” вакцинаси бешта кўнгиллидан учтасига юборилди. Тўртинчи эмлаш 5-август куни амалга оширилади. Таъкидланишича, биринчи кўнгиллилар 21 кундан кейин иккинчи синовдан ўтишади.
Август ойи бошларида Гамалея номидаги Эпидемиология ва Микробиология Марказида ишлаб чиқилган COVID-19 вакцинасининг клиник синовлари якунлангани маълум бўлди.
Таъкидланишича, Россиянинг COVID-19 га қарши вакцинаси юз фоиз кўнгиллиларда иммунитетни шакллантиради.
Россияликларни оммавий эмлаш октябр ойида бошланиши кутилмоқда. Мамлакатда энг биринчи тиббиёт ходимлари ва ўқитувчилар эмланади.
