ESPN нашри тарқатган хабарга кўра, ушбу супержанг 9 март куни Саудия Арабистони пойтахти Ар-Риёд шаҳрида ташкил этиладиган бокс оқшомининг асосий тўқнашуви бўлади. Ҳар икки боксчининг ушбу жанг шартомасига имзо чеккани айтилмоқда.
Эътиборга молик жиҳати шундаки, иккала боксчи ҳам 23 декабрь куни айнан Ар-Риёд шаҳрида ўтказиладиган проф бокс кечасида рингга кўтарилади. Уайлдер оқшомнинг асосий жангида собиқ жаҳон чемпиони Жозеф Паркер билан тўқнаш келади. Жошуа эса Отто Валлин билан муносабатларига ойдинлик киритиб олади.
Маълумот учун, собиқ WBC чемпиони Деонтей Уайлдер сўнгги жангини ўтган йилнинг октябрь ойида финляндиялик Роберт Хелениусга қарши ўтказиб, биринчи раунддаёқ рақибини нокаутаг учратганди. Энтони Жошуа эса шу йилнинг ўзида иккита жангда рингга чиқди ҳамда Жермейн Франклин ва Роберт Хелениусдан устун келди.
