Шунингдек, муаллифнинг таъкидлашича, Доналд Трампнинг мактабдан топширилган уй вазифаларини опаси Мериенн бажариб келган, «бўлғуси президент Пенсилвания университетига киришга қарор қилганда эса имтиҳонларни яхши топшириши билан ном қозонган Жо Шапиро исмли ақлли йигитнинг кўмагидан фойдаланган». Пул борасида ҳеч қачон муаммога эга бўлмаган Доналд бу «кўмак» учун унга пул тўлаган. Ваҳоланки, Трамп Пенсилвания университети молия мактабига ўзининг «гениаллиги» эвазига ўқишга кирганини такрорлаб келади.
Бундан ташқари, Трампнинг жияни уни социопат (одамлар ҳуқуқларини инкор этувчи, жамият меъёрларига риоя қилишни истамайдиган киши) деб атаган ва калондимоғлик ҳамда беадабликда айблаган. Унинг таъкидлашича, президентдаги бу ёмон иллатлар Трампнинг отаси – Фред Трамп берган тарбия натижаси ҳисобланади.
Таъкидланишича, Трампнинг жияни китобда отаси ўлимида ўз амакиси Доналд Трампни ва бобосини айблаган.
Президентнинг ўзи ҳозирча жиянининг китобига ҳеч қандай муносабат билдирмаган, бироқ унинг матбуот котиби уни «ёлғонлар тўпланмаси» деб атаган.
«Бу негизида ҳеч қандай ҳақиқат бўлмаган ажабланарли ва бемаъни айбловлардир», деб изоҳ берган китобга Трампнинг матбуот котиби Кейли Макинани.
Мери Трамп Доналд Трампнинг акаси, 1981 йилда юрак хуружидан кейин вафот этган Кичик Фред Трампнинг қизи ҳисобланади.
Таъкидлаб ўтиш жоиз, аввалроқ суд китобнинг чоп этилишини тақиқлаган, бироқ ҳакамлик суди бу қарорни бекор қилган.
