Батальон жанговар шайлигини юқори даражага келтириш, белгиланган ҳудудга марш юришини амалга ошириш, қўриқловни ташкил этиш ва жавобгарлик ҳудудини ҳимоя қилиш мақсадида ташкил этилган ўқувлар шартли “Тревога!” сигналидан бошланди.
Қисқа вақт ичида ҳарбий қисмга етиб келган шахсий таркиб қурол-аслаҳа, жанговар ва ҳарбий техникаларни қўллашга шай ҳолатга келтиришди.
Батальон тактик гуруҳи таркибида ўқувда иштирок этган шахсий таркиб бир неча кун давом этган машғулотларда ҳаво ҳароратининг экстремал паст шароитида ҳам қўшинларнинг махсус ҳаракатини амалда намойиш эта олди.
Мазкур ўқувларда 50 га яқин танк, жанговар ва ҳарбий техникалар қатнашди. Машғулот якунида шахсий таркиб техникаларда колонна бўлиб доимий туриш жойига қайтарилди.
