— Нега айнан “Женоа”ни танладим? Биласизми, ўшанда агентларим билан маслаҳатлашиб шундай қарорга келгандик. Биринчидан, Генуя клуби одатда ҳужумчиларни сотиб олиб, кейин бошқа клубга сотади. Иккинчидан, бу клубда ўсишга эришиш мумкин. Жамоа футболчига яхши таклиф тушса, узоқ ушлаб ўтирмай сотишни маъқул кўриши ҳам бизни “Женоа”ни танлашимизга сабаб бўлган. Учинчидан, Генуяда футболга қизиқиш жуда юқори. “Сампдория” – “Женоа” ўйини Италиядаги асосий дербилардан бири эканлиги ҳам муҳим факторлардан бири бўлган.
Эслатиб ўтамиз, Ўзбекистон миллий жамоаси 26 март куни Наманганда Гана, 29 март куни эса Тошкентда Ироқ миллий жамоасига қарши ўртоқлик учрашуви ўтказади.
