Энергетика вазирлиги январь ойининг охирги ўн кунлигидан буён янги Тошкент туманида фаолият олиб бормоқда. Шу билан бирга «Ўзтрансгаз« ва «Ўзенергоинспекция« ҳам Янги Тошкентга кўчирилган. Маълумотлар вазирлик томонидан тасдиқланди.
Маълумотларга кўра, ҳозирда фақатгина ташкилотларнинг биринчи раҳбарлари (вазир, директор, раислар) эски ишхоналарида ишламоқда.
Республика ижро этувчи ҳокимият органлари Янги Тошкент шаҳри ҳудудига кўчирилиши «Иқтисодиётда давлат иштирокини қисқартиришнинг қўшимча чора-тадбирлари тўғрисида»ги Президент қарорида келтирилганди.
