Эрон АҚШнинг ўз ҳудудидаги ядровий инфратузилма объектларига ҳаво ҳужумлари учун жавоб қайтариш ниятида. Бу ҳақда Эрон Президенти Масъуд Пезешкиён Франция Президенти Эммануэль Макрон билан телефон орқали мулоқоти чоғида айтиб ўтди, деб хабар беради унинг матбуот хизмати.
“АҚШ билан учрашувларда ишонч ҳақида гапирган эдик, бироқ амалда АҚШ бошқача ҳаракат қилди ва бизнинг ядровий иншоотларимизга ҳужум қилди. Америка бизга ҳужум қилди. Агар шундай вазиятга тушиб қолсангиз нима қиласиз? Табиийки, улар ўзларининг тажовузларига жавоб олишлари керак”, деди Пезешкиён.
Унинг сўзларига кўра, АҚШ дастлаб Эрон ядровий дастурининг тинч характерини таъминлашни хоҳлаётганини даъво қилган, бироқ музокаралар ўртасида “сионистик режим билан тўлиқ мувофиқлашган ҳолда” ҳаракат қилишга қарор қилган, деб хабар беради lenta.ru.
