Ҳа, Тайсон билан жанг қилмоқчиман. Ҳатто 57 ёшимда ҳам бу ишни уддалай оламан. Майкка нисбатан ҳеч қандай адоватим йўқ. Гап кимнингдир ғолиб бўлишида эмас, мақсад биз биргаликда яхши жанг қила олишимизни ва ўз давримизнинг буюк жангчиларидан эканимизни кўрсатиб қўйиш. Иккимиз ҳам боксга қайтишимизни эълон қилганимиздан кейин мен ва Майк ўртасидаги жанг барча кўришни хоҳлайдиган воқеага айланади”, – деди Ҳолифилд.
Тайсон ва Ҳолифилд илк бор 1996 ва 1997 йилларда рақиблар сифатида рингга тушган. Илк жангда Ҳолифилд нокаут эвазига ғалаба қозонган бўлса, иккинчи тўқнашувда Майк рақибининг қулоғини тишлаб олган ва дисквалификация қилинган.
Эслатиб ўтамиз, аввалроқ 53 ёшли Майк Тайсон рингга қайтиш ва бир нечта кўргазмали жангда қатнашиш истагида эканини маълум қилганди. Кўп ўтмай, унинг ортидан 57 ёшли Ҳолифилд ҳам боксга қайтишини эълон қилди.
