Иқтисодий ҳамкорлик бўйича ҳукуматлараро комиссиянинг 21-йиғилиши чоғида Ўзбекистон ва Россия бир қатор шартномаларни имзоладилар, деб хабар қилди РФ Иқтисодий ривожланиш вазирлиги матбуот хизмати.
Хусусан, "GAZ Group" томонидан Ўзбекистонда енгил тижорат автомобилларини ишлаб чиқариш бўйича қўшма корхона ташкил этиш тўғрисида келишувларга эришилди. Уларнинг қайси моделлари бўлиши ҳозирча номаълум, аммо заводнинг асосий етти гуруҳи мавжуд:
- Газель NEXT;
- Газель CITY;
- Газон NEXT;
- Садко NEXT;
- Газ 4WD;
- Газель Бизнес;
- Соболь Бизнес.
Сентябрь ойида "GAZ Group" 2021 йилдан бошлаб Ўзбекистонда автомобилларни йиғишни бошлашни режалаштираётгани ҳақида хабар берилган эди. Биринчи босқичда йилига 3 мингтагача транспорт воситаларини йиғиш ишлаб чиқаришни ўзлаштириш режалаштирилган, кейинчалик қувватни ошириш.
Россиянинг автомобиль ишлаб чиқарувчиси шериги “KRANTAS” МЧЖ бўлади — бу республикада махсус техника ишлаб чиқариш бўйича энг йирик корхона. Ҳозирда катта блокли йиғиш учун ишлаб чиқариш майдончасини танлаш ишлари олиб борилмоқда.
Бундан ташқари, "TATNEFT" МЧЖ «Биринчи резинотехника заводи» базасида каучук буюмлар ва нефтни қайта ишлаш заводлари учун ускуналар ишлаб чиқаришни, шунингдек, ёқилғи қуйиш шохобчалари тармоғини яратишни режалаштираётгани маълум бўлди (режалар 22 та станцияни ўз ичига олади).
«Мамлакатларимиз ўртасидаги ўзаро муносабатларнинг потенциали ҳали тугамаган, биз янги лойиҳаларни бошлашимиз керак», деди Россия Иқтисодий ривожланиш вазирлиги раҳбари Максим Решетников.
