“Газпром” бош директори Россия газини Марказий Осиёга етказиб бериш ҳажми ошгани ҳақида маълум қилди

Воқеа-ҳодисалар 10 окт 2025, 10:33 1 053

2025 йилнинг дастлабки саккиз ойида Марказий Осиёга Россия газини етказиб бериш ҳажми ўтган йилга нисбатан 15 фоизга ошган.

Бу ҳақда “Газпром” бош директори Алексей Миллер маълум қилди, деб хабар берди ria.ru.

Биз 2025 йилнинг дастлабки саккиз ойи билан 2024 йилнинг шу даврини солиштиряпмиз. Россия газининг Марказий Осиёга етказиб берилиши — мен бу уч давлат, Ўзбекистон, Қирғизистон ва Қозоғистонни назарда тутяпман – 15 фоизга ошган. Булар катта ҳажмлар”, деди у Санкт-Петербург халқаро газ форумида сўзлаган нутқида.