Германияда қиролича Фастраданинг ноёб тангаси топилди

Фан 12 май 2023, 11:25 2 078

Ахен шаҳридаги (Германия) Карл маркази Каролинглар даврига (751-987) оид ноёб танга топилгани ҳақида хабар берди. Унга Буюк Карлнинг рафиқаси, қиролича Фастраданинг исми ўйиб ёзилган.

Танга кумушдан зарб этилган. Олд томонда CARoLVSREXFR (Франклар қироли Карл), тескари томонида FASTRADA REGIN (қиролича Фастрада) ёзуви мавжуд.

Бу турдаги тангалар 793 йилда муомалага чиқарилган ва 794 йилда Фастрада вафот этган. Шунинг учун танганинг зарб этилган вақтини аниқ айтиш мумкин, дейилади mir24.tv сайтида.