Лойиҳа қиймати 3 миллион АҚШ долларини ташкил этган мазкур корхона фаолият бошлаши ортидан 150 нафар ишсиз ёшларнинг бандлиги таъминланди.
Корхонада йилига 10 миллион долларлик қурилиш моллари ишлаб чиқарилиши кўзда тутилган бўлиб, Россия Федерацияси, Қозоғистон ва МДҲ давлатларига экспорт қилиниши режалаштирилган.
— Давлатимиз раҳбарининг тадбиркорлар билан юзма- юз учрашгани бизга катта куч берди, — дейди корхона раҳбари Авзалбек Мўминов. —Муаммоларимиз очиқ айтилди, янада кўплаб имтиёзлар тақдим этиладиган бўлди. Албатта, бу катта ишонч, масъулият. Янада кўпроқ ишлашимизга мотивация бўлди, десам адашмайман. Корхонамиз бу билан тўхтаб қолмайди, фаолиятимизни кенгайтириш устида иш олиб борамиз.
