Учрашувда юртимизда ипакчилик соҳасида ҳукумат томонидан яратилган имтиёз ва преференциялар афзалликлари, Андижон вилоятидаги “Andijon silk Co” корхонаси билан ҳамкорлик қилиш масалалари, икки томонлар ўртасида ўзаро манфаатли бўлган шартлар муҳокама қилинди. Инвесторлар уюшмада жойлашган ипак ва жун маҳсулотлари кўргазмаси – шоурумни ҳам кўздан кечиришди ва ўзларини қизиқтирган барча саволларга жавоб олишди.
"Ўзбекистон пилла етиштириш ва экспорт бўйича жаҳонда Хитой ва Ҳиндистондан кейин учинчи ўринда туради. Аммо, сўнгги пайтларда Хитойда пилла етиштириш сурати пасайганлиги ҳақиқат. Бу у ерда ишчи кучи қимматлиги билан боғлиқ. Юртимизда эса бу соҳага эътибор катта эътибор қаратилганлиги, ҳукумат томонидан бир қатор имтиёзлар берилганлиги натижасида маҳсулот таннархи ҳам Хитойдан арзон. Бу эса 150 дан ортиқ мамлакатлар талабгор бўлган ипак маҳсулотлари экспорти ошишига ҳам сабаб бўлмоқда. Келгусида биз бу қувватни янада ошириш ва эскпорт салоҳиятини кучайтиришни сиз каби инвесторлар билан ҳамкорликда йўлга қўйишни мақсад қилганмиз”, деди Б.Шарипов.
Учрашув якунида инвесторлар ипак гиламлари экспорти учун 2,5 млн доллар, ипакдан тайёрланган кўрпа ва ёстиқлар учун ҳам (50 минг дона) 2,5 миллион доллар инвестиция киритишга тайёрлигини маълум қилди. Тез кунларда хорижий ҳамкорлар билан шартнома имзоланади.
