"I FLY Airlines" авакомпаниясига Ўзбекистонга парвозларни амалга ошириш вақтинча тақиқланди

Транспорт 9 ноя 2021, 11:19 719

“Ўзавиация” агентлигининг авиачипталарни рухсатномасиз сотишни тугатиш тўғрисидаги огоҳлантиришига қарамай "I FLY Airlines" авиакомпанияси 2021 йил ноябрь ойида Москва – Урганч – Санкт-Петербург – Урганч – Москва, Навоий – Москва ҳамда Санкт-Петербург – Навоий – Санкт-Петербург йўналишларида чартер парвозлар учун авиачипталар сотувини ташкил этган.

Натижада авиачиптада кўрсатилган вақт ва йўналишлар бўйича самолётлар учмаган ва йўловчилар билан низоли вазият юзга келган.

Шу муносабат билан, “Ўзавиация” агентлиги санкция тариқасида "I FLY Airlines" авиакомпаниясига Ўзбекистонга чартер парвозларни амалга оширишни вақтинчалик тўхтатди.

Йўловчиларга авиачипталарни сотиб олишдан олдин режалаштирилган чартер парвозларнинг ҳолати билан "Ўзавиация" агентлиги сайтида (https://uzcaa.uz/uz/table) танишиб чиқиш тавсия этилади.