Карманада 6 нафар маҳкум муддатидан олдин жазодан озод қилинди

Хавфсизлик 2 июл 2020, 10:37 2 388

Содир этилган жиноятга жазо муқаррардир, шу билан бирга инсонпарварлик принципига алоҳида эътибор қаратилиб, жазони ўташ даврида, қилмишига чин кўнгилдан пушаймон бўлган, содир этган жиноятини моҳиятини тушуниб етган, тузалиш йўлига кирган шахслар жазодан муддатидан олдин озод қилинмоқда.

Шу асосида, 2020 йил 11 май куни жиноят ишлари бўйича Кармана туман судининг раиси Ж.Каримов бошчилигида олиб борилган суд мажлисида 6 нафар маҳкум Ўзбекистон Республикаси Жиноят кодексининг 73-моддасига асосан жазони ўташ мобайнида, ижтимоий меҳнатга нисбатан бўлган муносабати ижобий томонга ўзгарганлиги, ўрнатилган тартиб-қоида талабларни бажариб, меҳнатга ҳалол муносабатда бўлганлиги сабабли жазони ўташдан муддатидан илгари шартли равишда озод қилинди.