Бугун барчамиз кўриб-билиб турибмизки, коронавирус иммунитети паст, сурункали касаллиги бўлган одамларни тез енга оляпти. Чекувчи инсонларда эса ҳар доим ҳам турлик касалликларга чалиниш хавфи юқори бўлади. Қисқа қилиб айтганда, сигарет ва нос, умуман ҳар қандай чекувчи воситалар организмда турли хил ўзгаришларни келтириб чиқаради.
Хусусан, сурункали чекиш оқибатида турли хил ўпка, ошқозон ичак тизими, асаб тизими касалликлари ва оғиз бўшлиғи ўсмалари пайдо бўлиши ЖССТ томонидан ҳам тасдиқланган.
Шу боис, чекувчи инсонлар коронавирус касаллигини юқтириб олгудек бўлсалар, касалликнинг оғир кечиши табиий. Унинг енгил кечиши учун чекишдек зарарли одатдан воз кечиш лозим. Ўз саломатлигингизни ўйласангиз, албатта чекишни ташлашга ўзингизда ирода топасиз.
