"Қашқадарё сув таъминоти" МЧЖ Шаҳрисабз-Қарши сув ишлаб чиқариш филиали ишчи гуруҳи "Яккабоғ-Муборак" бош сув қувурининг Чироқчи туманидан ўтган қисмида назорат-рейд ўтказди.
"Қашқадарё сув таъминоти" МЧЖ ахборот хизматининг хабар беришича, мазкур бош сув қувурининг "Қаҳрамон" МФЙ атрофидан ўтган қисмида балиқчилик фермер хўжалиги раҳбари А. А. томонидан диаметри 76 мм бўлган қувур билан ноқонуний равишда уланиб, тоза ичимлик суви балиқ кўли ҳавзасига оқизиб қўйилган.
Ҳолат юзасидан тегишли далолатнома тузилиб, ноқонуний уланма бош сув қувуридан узилди ҳамда далолатнома қонунбузарга нисбатан чора кўриш учун Ичимлик сувидан фойдаланишни назорат қилиш вилоят ҳудудий инспекциясига тақдим этилди.
