Исроилнинг сув таъминоти соҳасида эришаётган ютуқлари бугун дунё миқёсида эътироф этилади.
Шу боис учрашувда Ўзбекистон Республикасининг Ичимлик сув таъминоти ва оқова сув тизимини 2035 йилгача ривожлантириш концепциясини ишлаб чиқишда Исроил тажрибасидан фойдаланиш, бунда исроиллик экспертларни Ўзбекистонга таклиф қилиш ҳамда ҳамкорлик лойиҳаларининг истиқболлари муҳокама қилинди.
Ўз ўрнида Исроил давлатидан ташриф буюрган мутасаддилар мазкур таклифни қўллаб-қувватлаши, ўзаро ҳамкорликдан фақатгина мамнун бўлишларини таъкидладилар.
Музокаралар сўнггида вазирлик ва “Ўзсувтаъминот” АЖ мутахассислари Исроил давлатининг тегишли ташкилотлари билан ҳамкорликда study tour ташкил этишига келишиб олинди.
