Улар ўз изланишларида Хитойнинг Кун Минг тиббиёт университети талабаси Ли Ху томонидан ёзилган магистрлик ишига таяниб, хитойлик кончилар орасида келиб чиқиши номаълум бўлган пневмониянинг олтита ҳолатини тасвирлайди.
Таъкидланишича, уларда қайд этилган барча аломатлар COVID-19 га жуда мос келади. Бу аломатлар билан кончиларнинг учтаси вафот этади.
"Биринчидан, кончилар организмидаги RaTG13 вируси SARS-CoV-2га жуда ўхшаш, одам организмига мослашувчан патогенли ноодатий коронавирус деб тахмин қиламиз. Иккинчидан, Ши лабораториясида кончилардан олинган тиббий намуналар ишлатилган", дейди тадқиқотчилар
Уларнинг таъкидлашича, инсон томонидан мослаштирилган ушбу вирус 2019 йили Ухан лабораториясидан “қочиб кетган”.
