The New York Times нашри коронавирус билан боғлиқ яна бир маълумотни тақдим этди. Нашрда ёзилишича, Ҳонконг университети олимлари коронавирус инфекциясига бир марта чалинган одам уни қайта юқтириши ҳолати биринчи бор ўз тасдиғини топганини маълум қилишган.
Манбада шунингдек, 33 ёшли эркакнинг COVID-19’дан соғайиб чиққандан тўрт ой ўтиб, яна шунга йўлиққани айтилган. Касалликка биринчи марта чалинган пайтида беморда кузатилган енгил белгилар иккинчи сафар кузатилмаган, яъни симптомларсиз кечгани айтилган.
Ҳолатни ўрганган олимларнинг айтишига қараганда, бу бемор Испаниядан қайтиб келганидан сўнг унда янги инфекция борлиги аниқланган. Ўтказилган текширишлардан сўнг, унинг штамми ўша эркак биринчи бор юқтириб олган вирусдан сезиларли фарқ қилиши, кўпроқ июль-август ойларида Европада кузатилган COVID-19га ўхшаб кетиши маълум бўлди.
