Унга кўра, мазкур даврда умумий қиймати 178,1 трлн сўмлик солиқ ва божхона имтиёзларидан фойдаланилган.
Йил якуни бўйича 143205 та субъект томонидан солиқ имтиёзларидан фойдаланилган бўлиб, имтиёз суммаси 119 трлн сўмни ташкил этган.
Шу жумладан, юридик шахслар (139020 та) томонидан 118,9 трлн сўм, якка тартибдаги тадбиркорлар (4185 та) томонидан 120,7 млрд сўм имтиёз қўлланилган.
Божхона имтиёзларидан эса 15346 та ташкилот фойдаланган бўлиб, уларнинг умумий қиймати 59,1 трлн сўмни ташкил
этади.
Хусусан, давлат аҳамиятига молик лойиҳалар бўйича 12,6 трлн сўм, чет давлатларнинг ваколатхоналари ва чет давлат дипломатик ваколатхонасининг дипломатик агентлари томонидан 345 млрд сўм қийматидаги имтиёзлардан фойдаланилган.
Шунингдек, 75 та чет эл юридик шахсларининг Ўзбекистон Республикасидаги доимий муассасалари томонидан 2,46 трлн сўмлик божхона имтиёзларидан фойдаланилган.
Агентлик томонидан ушбу йўналишдаги маълумотларнинг белгиланган муддатларда очиқланиши доимий равишда ўрганиб борилади.
