Саудия Арабистонининг “Ан-Наср” клуби ҳужумчиси Криштиану Роналду шу йилнинг 19 сентябрь куни Осиё Чемпионлар лигаси туридан ўрин олган “Ан-Наср” – “Персеполис” ўйиндан олдин Теҳронда мухлислар билан учрашиб, Фотима исмли ногирон рассом қизни қучоқлаб, ўпган эди.
“Коммерсантъ”нинг Rouydad24 нашрига таяниб хабар беришича, футболчининг бу ҳаракати Эрон қонунчилигини бузиш ҳисобланади ва бундай иш учун 99 дарра урилиши белгиланаган.
Нашрнинг ёзишича, ҳозирча Криштиану Роналдуга нисбатан расман иш очилгани йўқ. Шу билан бирга, Index.hr нашри манбасига кўра, футболчини жазолаш қарори сиртдан қабул қилинган ва Роналду Эронга келадиган бўлса, 99 дарра билан жазоланиши мумкин.
