“Зарар миқдори жуда катта, аммо уни тарихга етказилган зарар билан солиштириб бўлмайди”, деди прокурор.
Унинг қўшимча қилишича, ўғрилар “агар улар ўғирланган заргарлик буюмларини эритиб юборишга қарор қилишса”, шунга ўхшаш суммани олишолмайди. У ўғрилар заргарлик буюмларини сабабсиз йўқ қилмаслигига умид қилишини айтди.
Прокурорнинг қўшимча қилишича, ўғриликда бевосита тўрт киши иштирок этган, бироқ жиноятга ёрдам берган бошқа гумонланувчилар ҳам бўлиши мумкин.
Луврдаги ўғрилик 19 октябрь куни иш вақтида содир бўлган. Ниқоб кийган жиноятчилар император коллекциясидан тўққизта буюмни, жумладан Наполеон ва унинг рафиқаси Жозефинага тегишли тақинчоқларни ўғирлаб кетишган, деб хабар берди meduza.io.
Мутахассисларнинг ҳисоб-китобларига кўра, бундай ўғриликни фақат кичик бир гуруҳ жиноятчилари амалга оширган бўлиши мумкин ва полиция уларни қўлга олиши мумкин бўлса-да, ўғирланган нарсаларни қайтариб олишнинг иложи йўқ, деб ёзди Reuters.
Лувр музейи директори Лоранс Де Карс ўғриликдан сўнг истеъфога чиқиш ҳақида ариза берди, бироқ Франция Президенти Эммануэль Макрон унинг илтимосини рад этди, дея хабар бермоқда Le Figaro манбаларга таяниб.
