Навоий вилоят прокуратураси воқеа бўйича маълумот берди.
Аниқланишича, фуқаро Х.Ж Навоий шаҳар ИИБга мурожаат қилиб, қизи 2006 йилда туғилган вояга етмаган Ғ.Н.ни Навоий шаҳар 11-сонли давлат ихтисослаштирилган умумтаълим мактаби директори Ж.Г. уриб тан-жароҳати етказгани юзасидан мурожаат қилган.
Мазкур ҳолат юзасидан Навоий шаҳар ИИБ томонидан терговга қадар текширув ҳаракатлари олиб борилаётган бўлиб, суд-тиббиёт экспертизаси тайинланган.
Текшириш ҳаракатлари Навоий вилояти прокуратураси томонидан назоратга олинди.
