Таниқли мураббий Арсен Венгер Британия жамоаси томонидан киритилган голи қоидага мувофиқ киритилганига шубҳа қилди.
Мадридда ўйин 1:1 ҳисобида якунланди. Биринчи бўлимда Винисиус Жуниор, танаффусдан кейин эса Кевин Де Брюйне гол урди.
“ВАР одатда қоидалар доирасида гол урилганми ёки йўқми, текшириб кўриши керак, бундай вазиятда тизим аралашуви керак эди”, – дейди Венгер иккинчи урилган голга муносабат билдириб.
Франциялик мураббийнинг фикрича, португалиялик футболчи Бернанду Силва баҳсли эпизодда тўпни майдон четида тўхтатган вазиятни VAR текшируви ўтказилиши керак эди.
Такрорий вазиятлар белгиялик футболчининг гол уришидан олдин Силва тўпни ён чизиқ ташқарисидан олиб ўтгандек таассурот уйғотади. Ён чизиқ ҳаками байроқни кўтармади ва вазиятга VAR аралашмади.
Агар хато юзага келган бўлса, Де Брюйненинг чиройли голи қоидага мувофиқ киритилмаганини англатади ва “Реал” бу орқали иккинчи ўйин олдидан устунликни қўлдан бой берди.
“Реал” ва “Манчестер Сити”нинг жавоб ўйини 17 май куни Буюк Британияда бўлиб ўтади, деб хабар беради tengrinews.kz.
