Унда Ўзбекистон Республикаси Олий Мажлиси Сенати Раиси Т. Нарбаева иштирок этмоқда.
Мажлисда Марказий Осиё мамлакатлари томонидан гендер тенгликка эришиш сиёсатини амалга ошириш хусусида фикр алмашиш, минтақа хотин-қизларининг сиёсий, савдо-иқтисодий, маданий-гуманитар соҳалардаги ҳамкорлиги масалалари муҳокама қилиниши кўзда тутилган.
Шунингдек, Марказий Осиё етакчи аёллари мулоқоти декларациясини қабул қилиш ва Етакчи аёллар мулоқоти иштирокчиларининг Марказий Осиё давлатлари раҳбарларига мурожаат қилиши режалаштирилган, деб хабар беради Ўзбекистон Республикаси Олий Мажлис Сенати матбуот хизмати.
