“Uzbekistan GTL” компаниясининг Директорлар Кенгаши қарори билан юқори малакали мутахассис, Канада фуқароси бўлган - Марсел Юрген Краузе жорий йилнинг 18 январидан бошлаб компаниянинг Техник Директори лавозимига тайинланди.
Ўтган 10 йил давомида Марсел Краузе Қатардаги OryxGTL заводининг техник менежери бўлиб ишлаб келган, нефть ва газни қайта ишлаш ва нефть-кимё саноатида жами 33 йиллик юқори тажрибага эга.
У Канада, Чили, Таиланд ва Қатар каби мамлакатларда нефть-газ-кимё, нефть ва газни қайта ишлаш саноатидаги қатор йирик халқаро ишлаб чиқариш корхоналарини ишга тушириш ва созлаш ишларида иштирок этган.
Марсел Краузе дунёнинг топ – 50 университетлар рейтингига кирадиган “British Columbia” (Канада) университети битирувчиси, шунингдек Британия Колумбиясининг профессионал муҳандислар ва геологлари уюшмасини аъзоси ҳисобланади.
"Uzbekistan GTL" компаниясининг Ахборот хизмати
