Қайд этилишича, ёнғин оқибатида кемада бўлган барча транспорт воситалари ёниб кетган ёки уларга жиддий зарар етган. Ah Shin юк кемасида электр транспорт воситалари ҳам бўлган, бу эса ёнғинни ўчиришни қийинлаштирди – бу ҳолатда ёнғинни ўчириш учун оддий сувдан фойдаланиш хавфли эди.
Ёнғин аниқланганидан сўнг, Ah Shin жамоаси бортдаги барча углерод диоксидини – тахминан 50 тоннани ишлатган. Бироқ, бу ёрдам бермаган ва ёнғин кучайишда давом этган. Кейин капитан захирани тўлдириш учун кемани Вунгтау порт шаҳрига йўналтиришга рухсат сўраган.
Қайд этилишича, бир кундан ортиқ вақт ўтгандан сўнг кемадаги ёнғин бартараф этилди. Кеманинг ўнг томонга беш даража оғди. Барча экипаж аъзолари бортда қолмоқда, ҳеч ким жабрланмаган. Ёнғин сабаблари ҳозирча номаълум, дейилади korrespondent.net сайтида.
