"MNG Airlines" Ўзбекистонга мунтазам юк ташиш қатновларини амалга ошириш учун рухсатнома олди

Транспорт 26 май 2021, 16:58 831

Ўзбекистон Республикаси ва Туркия Республикаси Ҳукуматлари ўртасидаги ҳаво қатнови тўғрисидаги Битим асосида "Ўзавиация" агентлиги томонидан Туркия Республикасининг "MNG Airlines" авиакомпаниясига 2021 йил 26 майда 98-К сонли Эксплуатацион рухсатнома берилди.

Ушбу рухсатномага мувофиқ "MNG Airlines" авиакомпанияси Ўзбекистон Республикасига Истанбул – Навоий – Истанбул йўналишида мунтазам юк ташиш парвозларни амалга оширади.

Авиакомпания юк ташиш парвозларини Airbus 300-600, Airbus 330-200 ва Airbus 330-300 ҳаво кемаларида амалга оширади, дея хабар беради Ўзбекистон Республикаси Транспорт вазирлиги Ахборот хизмати.