Тулкиларнинг оёқ кийим ўғирлаганини эшитганмисиз? Бу иш итга нисбатан айтилса ҳам бироз ишонарли бўлар эди. Аммо Берлинда оёқ кийим ўғирлайдиган тулки пайдо бўлган. «Еkolog.uz»нинг маълум қилишича, бу ҳақда Кристиан Майер исмли фуқаро ўзининг Twitter’даги саҳифаси орқали эълон қилган.
Тулки билан боғлиқ ҳодиса Берлин жануби-ғарбидаги Селендорф туманида содир бўлган. Маҳаллий аҳолига мансуб бир эркак кечаси террасада турган кроссовкасининг бир пойи йўқолганини пайқаб қолган.
Орадан бир мунча вақт ўтгач Майер бир жуфт кўк шиппакни судраб кетаётган тулкини кўриб қолган. Эркак тулки орқасидан яшил ҳудудга қадар бир соатга яқин кузатиб борган. Боғ ичида эркак ҳайвон томонидан ўғирланган кўплаб оёқ кийимлар жойлашган яширин инни топиб олган.
Таъкидланишича, интернет орқали ҳозирча уч жуфт оёқ кийимнинг эгаси топилган.
