Наманган яна бир тиббиёт анжуманига мезбонлик қилмоқда

Саломатлик 10 дек 2020, 12:36 1 160

Айни дақиқаларда Наманган вилояти эндокринология марказида, Наманганда шифокорлар билими ва касбий маҳоратини юксалтириш, аҳолига малакали тиббий хизмат кўрсатилишини таъминлаш мақсадида «Эндокринология, кардиология ва эндовизуал хирургиянинг долзарб муаммолари» мавзуида илмий-амалий анжуман бўлиб ўтмоқда.

Унинг очилишида Наманган вилояти ҳокими Шавкат Абдураззақов иштирок этмоқда.

Анжуманда Академик В. Воҳидов номидаги республика ихтисослаштирилган хирургия илмий-амалий тиббиёт маркази, академик Ё.Тўрақулов номидаги республика ихтисослаштирилган эндокринология илмий-амалий тиббиёт маркази ва Республика шошилинч тиббий ёрдам илмий марказининг олимлари илмий маърузалар билан чиқадилар. Куннинг иккинчи ярмида эса таниқли мутахассислар томонидан беморлар тиббий кўриги ташкилланади.