Тайёргарлик жараёнида футзалчиларимиз 15 август куни мезбонларга қарши майдонга тушиб, 1:0 ҳисобида мағлубиятга учрагани ҳақида хабар қилган эдик. Кеча икки жамоа навбатдаги ўртоқлик баҳсини ўтказишди. Афсуски, ҳамюртларимиз бу сафар ҳам 0:1 ҳисобида имкониятни бой берди.
Энди Баҳодир Аҳмедов шогирдлари 21 август куни Аргентинага қарши ўртоқлик учрашувида майдонга тушади.
Эслатиб ўтамиз, чемпионатда қатнашадиган 24 жамоа 6 гуруҳга бўлинган. Ўзбекистон футзал миллий жамоаси “В” гуруҳдан жой олган. Бу гуруҳда биздан ташқари Гватемала, Россия ва Миср термалари ҳам бор. Гуруҳда биринчи ва иккинчи ўринни олган, шунингдек, олти гуруҳда учинчи ўринни эгаллаб, энг яхши кўрсаткияга эришган тўрт жамоа плей-оффга йўл олади.
