Давлат хавфсизлик хизмати, божхона ва ички ишлар органлари ходимлари ҳамкорлигида ўтказилган тезкор тадбирда қалбаки хорижий валютани муомалага киритишга уринган шахсларнинг ҳаракатларига чек қўйилди.
Маълум қилинишича, Тойлоқ туманида яшовчи, 1996, 2002 ва 2003 йилларда туғилган уч нафар фуқаро 100 АҚШ доллари номиналидаги қалбаки банкнотларни шартли харидорга 44 млн сўмга сотаётган вақтда ушланган.
Улардан икки нафари муқаддам судланган. Қалбаки банкнотлар Туркиядан олиб келингани аниқланган.
Ҳолат юзасидан терговга қадар текширув ҳаракатлари олиб борилмоқда. Ҳуқуқбузарликка алоқадор бошқа шахсларни аниқлаш бўйича ҳам чоралар кўрилмоқда.
