Бу ҳақда Савдо-саноат палатаси ахборот хизмати маълум қилди.

Қайд этилишича, делегацияни Афғонистон Савдо ва инвестициялар палатаси раиси Муҳаммад Саидкарим Ҳошимий, Ўзбекистоннинг Афғонистондаги Фавқулодда ва мухтор элчиси Ойбек Усмонов ҳамда Савдо ва саноат вазири ўринбосари Мавлавий Шаҳобиддин Сакиб кутиб олди.

Ташриф доирасида делегация Кобул ва Ҳирот шаҳарларида бўлиши режалаштирилган бўлиб, Ҳирот шаҳрида янги савдо уйини очиш ҳам кўзда тутилган.

Ушбу ташриф Афғонистон бозорини ўрганиш, маҳаллий талабга мос маҳсулотлар ишлаб чиқиш, экспортни кенгайтириш ва икки мамлакат тадбиркорлари ўртасида барқарор ҳамкорликни йўлга қўйиш мақсадида ташкил этилди.