UFCдаги дебют жангида бразилиялик Бруно Феррейрани илк раундда нокаутга учратган ҳамюртимиз биринчи жанги учун 16 000 доллар ишлаб олгани маълум бўлди. Бундан ташқари, Нурсултон "энг яхши иштирок" учун 50 000 доллар миқдорида бонусга ҳам эга бўлди.
Шундай қилиб, Нурсултон Рўзибоев UFCдаги биринчи жанги учун умумий ҳисобда 66 000 доллар ишлаб олди. Рўзибоевнинг рақиби Бруно Феррейра эса бу жанг учун 16 000 доллар билан чекланди.
Маълум бўлишича, UFC Нурсултонга жанг учун 12 000 доллар, реклама учун эса 4 000 доллар тўлаган.
Қайд этиш жоиз, лига жангчиларга ўз формаларида Reebok компаниясини реклама қилиши учун пул тўлайди. Бунда жангчиларнинг мақоми, яъни UFCда нечта жанг ўтказгани ва номдорлиги роль ўйнайди.
