Жорий йилнинг 15 декабрь соат 10:00 ҳолатига кўра, Давлат фуқаролик хизматчилари вакант лавозимларининг ягона очиқ портали  сайтига уланган ташкилотлар сони 13 694 тани, танлов жараёнлари давом этаётган вакансиялар 13 683 тани ташкил этмоқда. Шу пайтга қадар портал орқали эълон қилинган очиқ танловларда 374 666 нафар номзод қатнашган бўлиб, улардан 5 779 нафари давлат фуқаролик хизматига қабул қилинган. Айни пайтда порталда 118 501 нафар фуқаро ўз резюмесини шакллантирган, деб хабар беради Давлат хизматини ривожлантириш Агентлиги ахборот хизмати.