Шифокор Шафиқ Раҳмоннинг сўзларига кўра, ичимлик ёки ликопдаги таом қанчалик ёрқинроқ бўлса, кўз саломатлиги шунчалик яхши бўлади. Мисол учун, қизил овқатлардан резаворлар (шу жумладан, қулупнай), помидор, қизил гўшт (меъёрида цинк мавжуд), қизил қалампир, қизил икра (омега-3 мавжуд) танлашингиз мумкин. Озиқ моддалардан С витамини катаракта, ёшга боғлиқ сариқ доғ дегенерацияси ривожланишининг олдини олади ёки кечиктириши мумкин.
Тўқ сариқ ва сариқ рангли маҳсулотларга апельсин, грейпфрут, лимон, сабзи, ўрик, қовун, ширин картошка мисол бўла олади. Уларда С витамини, сабзи ва ўрикда эса кўриш қобилиятини яхшилайдиган бета-каротин ҳам мавжуд.
Яшил овқатлар истеъмолидан (карам, салат ва бошқалар) организм зеаксантин ва лютеин моддаларини ўзлаштиради. Бу ёшга боғлиқ сариқ доғ дегенерацияси ҳолатини яхшилашга ва унинг ривожланишини секинлаштиришга ёрдам беради.
Кўз саломатлиги учун тухум истеъмол қилиш ҳам муҳимдир. Улар кўзнинг қуришини камайтирадиган ва кўз ҳолатини яхшилашда муҳим роль ўйнайдиган А витаминини ўз ичига олади.
Аммо кўриш қобилиятини сақлаб қолиш учун кўп миқдорда спиртли ичимликлар истимол қилмаслик лозим. Кўп спиртли ичимликлар ичадиган одамларда кўриш қобилиятига жиддий таъсир кўрсатадиган кўриш нерви дегенерацияси ривожланиши мумкин, дейилади rambler.ru сайтида.
