Республика ихтисослаштирилган онкология ва радиология илмий-амалий тиббиёт марказининг Сирдарё вилоят филиалига жорий йилнинг бошида Чехиядан нур-терапия ускунаси олиб келинганди. Лекин коронавирус пандемияси туфайли Ускунани ўрнатадиган мутахассислар ўз вақтида кела олмаганди. Шу сабаб ишга тушиши режалаштирилган ишлар чўзилиб кетганди.
Бугун эса 4,5 миллиард сўмлик мазкур ускунани Белоруссиялик мутахассислар ўрнатиш ишларини тугатиб, фойдаланишга шай холга келтирди.
Ҳозир ушбу ускуна билан ишловчи уч нафар маҳаллий мутахассислар Белоруссияда малакаларини оширяпти.
2021 йилнинг январь ойида ушбу ускуна орқали даволаш ишлари бошланиши мўлжалланган.
Ғулом Примов,
Сирдарё вилоят
Соғлиқни сақлаш бошқармаси
матбуот хизмати ходими.
